Pages

Showing posts with label Hopes. Show all posts
Showing posts with label Hopes. Show all posts

Friday, March 25, 2011

Sakina....

Ayaw na ayaw ng mama ko na nakikipag chat sakin. Kasi nga lagi lang naman daw akong nanghihingi ng pera. Hindi naman kaya!

Pero lately, mabait na ako pag nakikipag chat kay mama. Ingat na ingat at pigil na pigil akong manghingi ng pera kahit kapapadala palang niya. Kasi baka mag sign out siya bigla. Hindi ko makaka-usap si Sakina.

Si Sakina ay ang bagets na anak ng kaibigan ni Mama. Mula nang maging night shift ang work ng mudang ni bagets, kay mama siya dinadala. Si mama, bilang mag-isa lang naman siya sa balor, ay keri na rin niya. At dahil miss na ni mama ang kanyang mga apo, si Sakina ngayon ang pumapawi sa mga pangungulila niya.



ganyan din ka-rosy ang cheeks ko








Masarap ka-chat si Sakina. Bibong bata. Maganda pa. Nakikita ko sa kanya ang sarili ko nung ako ay bata pa. Pareho kasi kaming rosy-cheeks. hihihihi Lagi niya ako pinasisikatan ng kanyang mga talento. Sumasayaw siya. At kinakantahan niya ako ng mga nursery rhymes. Japanese nga lang. Wala naman problema dahil nakakaintndi naman ako kahit konti.

Kagabi ay magka chat nanaman kami. Kinuwento niya sa akin yung madalas na paglindol lately. Takot na takot daw siya. Ayaw din niyang manood ng TV dahil takot daw siyang makita yung tsunami.

Pero bigla niyang naalala na may bago daw siyang toy. Kaya dali-dali niyang pinakita sa kin...


Sakina and Mickey






Sabi niya sa akin, kapag nag tsunami daw, liligtas daw niya si Mickey Mouse. Naiyak ako.

Kumusta na kaya yung napakaraming Sakina na nasalanta ng tsunami at patuloy na pinahihirapan ng epekto ng nuclear plant failure? Sana makuha parin nilang ngumiti. Sana balang araw magkaroon sila ng madaming madaming happy days para madali nilang makalimutan ang mga bangungot na nararanasan nila ngayon. Sana...